ابو بندر الحميدي
05-12-2006, 09:42 PM
اخواني اعضاء وزوار منتدانا هذه القصيدة للشاعر عايض بن سعود الهذيلي ومناسبتها يقول الشاعر انه اتصل به الشاعر براك بن ماجد العاكور وكان ذلك في عيد رمضان الماضي بقصد عزيمة ابو عبدالله وفي نهاية الاتصال قال ابو تركي ( انا معرفك لو تواجهني ولاكن سمعت بك واتوني اناس بقصائدك وكان من ضمن هؤلاء الناس الشاعر الكبير محمد بن جرشان ) وتعذر الشاعر عائض بقوله انت تتصل بي وانا متجه الى الرياض ولاكن اعدك بأن ازورك في اقرب فرصة متاحة ، مما دعى الشاعر الى تعبيره بهذه القصيدة آمل ان تنال على استحسانكم....
هواجس البال في راسي لها دبكي=تحركت بالضمير وجالها ادباكي
واعطيتها الضوء الاخضر وابتدت تحكي=بابيات شعر (ن ) محكحكها تحكّحاكي
يالله يامعتلي يامالك الملكي=ياواحد ( ن ) تحت ملكه كل الاملاكي
يالله انا اعوذبك من كلمة الشركي=واعوذبك من بليس ودرب الاشراكي
ياراكب اللي يبوج الدرب مايشكي=منوة غريب ( ن ) من ظروف الدهر شاكي
لادق سلفه تقول مطوع ( ن ) يحكي=في جلسة ( ن ) منصتين ولابهم حاكي
سواقه القرم لاريّض ولاربكي=شهم ( ن ) شجاع ( ن ) دليله مابه ارباكي
حرك من العاصمة في وقته البركي=وفي خمس ساعات ياصل عند برّاكي
براك ابن ماجد العاكور ابو تركي=الطيب اللي بورث الطيب متراكي
الشاعر اللي يحبك القافيه حبكي=وابوه قبله لصعب القاف حّباكي
سلام مني عدد مادارت الفلكي=واعداد الايام في دورات الافلاكي
للي علومه جزيله مابها نمكي=والحق من ينطقه ماهوب نّماكي
يقول جاني بعلمك واحد ( ن ) حركي=واشتقتله واحترك راسي تحرّاكي
واخذت جوالك وقمت اتصل واركي=وادورك واثرك اعلى حضن متّاكي
قلت أومر وقال علم ( ن ) تدركه دركي=تزورني في محلي عجل الادراكي
قلت اتشرف حقيقه مابها شّكي=في طيبكم مالحقني شكّ شكاّكي
إن عاش راسي على خشمي يابو تركي=اجيك وقت الوعد خذ علمي الزاّكي
واختامها لك تحيه عطرها المسكي=اعداد ماغنت الورقى على الراكي
هواجس البال في راسي لها دبكي=تحركت بالضمير وجالها ادباكي
واعطيتها الضوء الاخضر وابتدت تحكي=بابيات شعر (ن ) محكحكها تحكّحاكي
يالله يامعتلي يامالك الملكي=ياواحد ( ن ) تحت ملكه كل الاملاكي
يالله انا اعوذبك من كلمة الشركي=واعوذبك من بليس ودرب الاشراكي
ياراكب اللي يبوج الدرب مايشكي=منوة غريب ( ن ) من ظروف الدهر شاكي
لادق سلفه تقول مطوع ( ن ) يحكي=في جلسة ( ن ) منصتين ولابهم حاكي
سواقه القرم لاريّض ولاربكي=شهم ( ن ) شجاع ( ن ) دليله مابه ارباكي
حرك من العاصمة في وقته البركي=وفي خمس ساعات ياصل عند برّاكي
براك ابن ماجد العاكور ابو تركي=الطيب اللي بورث الطيب متراكي
الشاعر اللي يحبك القافيه حبكي=وابوه قبله لصعب القاف حّباكي
سلام مني عدد مادارت الفلكي=واعداد الايام في دورات الافلاكي
للي علومه جزيله مابها نمكي=والحق من ينطقه ماهوب نّماكي
يقول جاني بعلمك واحد ( ن ) حركي=واشتقتله واحترك راسي تحرّاكي
واخذت جوالك وقمت اتصل واركي=وادورك واثرك اعلى حضن متّاكي
قلت أومر وقال علم ( ن ) تدركه دركي=تزورني في محلي عجل الادراكي
قلت اتشرف حقيقه مابها شّكي=في طيبكم مالحقني شكّ شكاّكي
إن عاش راسي على خشمي يابو تركي=اجيك وقت الوعد خذ علمي الزاّكي
واختامها لك تحيه عطرها المسكي=اعداد ماغنت الورقى على الراكي