تعالوا الله لا يهينكم الليل سرى

[موالف القاف]

بعد التراويح ان شاء الله الوعد هنيا مع شعارنا

اطلب منازلت اي شاعر معنا هنا

سواءً طربان ساري او غيره


واستلمووووووووووووا



سلامن من ضمير الشاعر اللي يبدع الامثال=صعيبات القوافي لاومرهن غصب طاعنه
بحور الشعر في صدره تلاطم والليال طوال=ولي مقصد ومن يقرا يفسرها على ظنه


نبغى صفوف يالربع


وأعتذر عن تغيير القاف السابق لأنه شاب ومات



انتظركم

[العاكور]

الشاعر موالف القاف لقد قمت بدعوة احد كبار الشعراء وهو الشاعر رداد الهذلي والله يقويكم

[موالف القاف]

تســـلم يالغالــي للحضــورك ويشــرفني اللعب

مع احد اعضاء منتديات هذيل البقوم

بس يكون وسيع صدر

[رداد الهذلي]

حياك الله يا موالف القاف , وترى الشعر ما سمي شعر إلا لأنه يفسر ما في الشعور , والمحاورة بالذات تؤلف بين القلوب إذا كانت لا تتعدى حدودها المعروفة عند الشعراء , ونرحب بك وإليك الرد :


هلا يا مرحبا ترحيبةٍ مثل المطر همال=من اللي كل قيفان الشعر دايم تهابنه
نرحب بالذي غنى بزين القاف والموال=ومقصد كل رجلٍ ينعرف مهما هرب عنه

[المتوكل]

موالف القاف
تسلم على هذه البدايه الرائعه وإذا الاخ رداد الهذلي غير موجود فأنا عندي اقتراح بأن تكون المحاوره بين موالف القاف والشاعر الاخر / عاشق القاف واتمنى ان تتم دعوته عن طريق من يعرف هاتفه حتى تكون المنازله قويه بين الموالف والعاشق وكلاهما يعشق ويوالف القاف

[موالف القاف]

الله الله

يارداد
صح السانك وين الصفوف شيلوها ياصفوف

[العاكور]

هلا يا مرحبا ترحيبةٍ مثل المطر همال=من اللي كل قيفان الشعر دايم تهابنه
نرحب بالذي غنى بزين القاف والموال=ومقصد كل رجلٍ ينعرف مهما هرب عنه


http://www.hathailly.com/vb/images/icons/a-+-a%20(61).gifhttp://www.hathailly.com/vb/images/icons/a-+-a%20(61).gifhttp://www.hathailly.com/vb/images/icons/a-+-a%20(61).gif

عاشوا الشعار وحنا معكم فالصفوف

تاريخ الملعبة 2/9/1427هـ

[موالف القاف]

من اللي كل قيفان الشعر دايم تهابنه[/poem]

والمعنى ببطن الشاعر:1 (65):

استلم يالذيب


قليل العرف لو يقرا درى عن سيرة الابطال=ولكنه تعجل في جوابه واخلف السنه
نبي نخبره يحذر من صواديف الدهر ميال=ولا يامن سموم القيض الى جا لاهب الكنه

[موالف القاف]

المتــوكل

لاهنت للمرورك ولا مانع لدي من اللعب مع عاشق القاف

[فتى السمرانيه]

وين الشعار والصفووووووووف



واصل واصل واصل

[موالف القاف]

العاكور

يالله تراك ماسك صفي

[موالف القاف]

فتى السمرانيه

تعال ولا يهمك خلك بصفي احسن

ترى الردحات عند ابو خالد كثيره

تعال

[السكب 2005]

يا الله ياشعارنا شدو حيلكم امتعتونا بالمحاوره القويه

[فتى السمرانيه]

موالف مايخالف شد حيلك

[موالف القاف]

السكب اخوي نمر مشكور على مرورك العذب يالغالي

ويالله حدد وين مسار اتجاهك وبسرعه وين صفك

[العاكور]

مدام فتى السمرانية معك انا راح امسك صف الشاعر رداد واكثر الرديح تكفا يا رداد لا تغيب علينا

كلاكما في نون العين ايها الشاعرين المبدعين وصراحة ابيات مليانه وصح السنتكم

[رداد الهذلي]

صح لسانك يا موالف القاف ..... وتفضل الرد :


قليل الفهم قد جاه الردى بين الصخر وجبال=وما ظنيت رجلٍ ما يعرف النار والجنة
نجيب الك الحقايق من زمان الفعل والأهوال=نبي تاريخ واضح ما نريد مقرقع الشنة

[رداد الهذلي]

صح بدنك يابو خالد وما زالت المحاورة مستمرة

[فتى السمرانيه]

الصفووووووووووف يالربع


شيلو البيتـ

[فتى السمرانيه]

وين راحتـ ردحاتكـ يابو خالد

[موالف القاف]

والنعم فيك وفي ربعك

الليل الليل

[رداد الهذلي]

ما عليك زود ,,,,
وحياك الله

[موالف القاف]

استلم يارداد


يقولون العرب ماتسري الا الي بدون عقال=وانا الي تقنعـه عقليتـه ماوهقـه ضنـه
على هونك تمهل لا تخليها على ماقال=طلعت الضلع بالجمس الحمر ولا على الدنه

الليل الليل ياصفوف

[موالف القاف]

العاكور براحتك انا عندي فتى والسكب ماهم مخيبين ضني

[العاكور]

محاورة جميلة بين شاعرين بصراحة كبار

فتى السمرانية انا قدام صفنا اردح شد حيلك مع صف موالف القاف

[رداد الهذلي]

خذ مني الرد يا موالف القاف


ترى يا صاحبي للشعر ما بين العرب مكيال=ومن لا يحسب احسابه يموت ولا يدفننه
وكم من شاعرٍ جاه الردى من سيفنا القتال=يجيه الموت قبل انه بصوته يخرج الونة

[موالف القاف]

اسلم اسلم يارداد
صح السانك واستلم يالذيب


تبي تدري ليا منا عطيناك الحمول ثقال=ومثلك ماهقيت انه يبا يقدر علا هنه
انا لاكلت اوف الكيل ماني باخس المكيال=انا فوق الجبل وانته تناظر عالي القنه


:1 (87): :1 (87): :1 (87):

وينكم يالصفوف ترى بندق على بيت الجنادريه

يجيبون صفوف

يالله شيلو البيوت ياهذيل

[موالف القاف]

الليل الليل

ترى ليلنا سرى وينكم

[رداد الهذلي]

عفواً .. يا موالف القاف ( المكيال ) سرت

[موالف القاف]

طيب طيب
وآسف للأنشغال

[موالف القاف]

استلم بعد التعديل


تبي تدري ليا منا عطيناك الحمول ثقال=ومثلك ماهقيت انه يبا يقدر عـلا هنـه
على علباك وسمي لو تموت الدهر ماينزال=انا فوق الجبل وانته تناظر عالي القنـه

الليل الليل

[رداد الهذلي]

وهاك الرد :


كلامك يا عميلي ما يجيب امن الصدق مثقال=ابنشد ربعكم عن شي واضح لا تخبنه
نبي تاريخكم قبل الرسول وعطني الأقوال=وهل يوجد صحابه باسمكم والعلم حاونه ؟

[السكب 2005]

شد حيلك ياموالف شد الحيل

[موالف القاف]

الله الله

الليل الليل

[موالف القاف]

تراك اخطيت منتب عارف الديرة بدون جدال=على صم الصفا نبني .جيوشك مايقضنه
على وضح النقا يدريبنا مطلق مع هذال=مرامينا ليا منا رمينا الراس صابنه

[رداد الهذلي]

ترى ما جا خطا منا وشوفك في الفكر رحال=وتاريخ القبايل عارفينه والفكر ثنه
ومن طب البحر يغرق ولا يفلح قصير احبال=ومن ينظر لراس الرجم باحجارة يقظنه

[موالف القاف]

صح السانك يارداد

واتوقع انك فهمت المعنى خطاء في أول الابيات لاكن لا مشكله


شريحه مالها اسم(ن) تنقطع من شركة الجوال=تبي تذكر كلام الشاعر اللي يبدع بفنه
جميع الاوديه سالت وباقي وادي(ن)ماسال=كتبنا لك ثلاث حروف يعرف من قراهنه

[رداد الهذلي]

صح بدنك يا موالف القاف ...
وهناك أسئلة لم تجب علها ... فما أدري ما السبب؟ ولكن لا تثريب , وهاك البيتين



الا يا اللي تدور للسيول بوادي المسيال=يجيك السيل لا تخشى الظما واليم يملنه
سمعت بسالفة ذاك الجمل قد ضيع الجمال؟=تسلبه القوافل كل ما يسلب يهجنه

[موالف القاف]

اخي رداد

رديت عليك بسالفة مطلق وهذال

وستعرف عندما تسئل عن هذين الرجلين

انني اجبتك


استلم


بيوت(ن) سعرها غالي وبيت ماجيب ريال=وجمالي ماننوخهن ولـو بيتـك يمرنـه

انا ماشفت فعل وللا لقيت الا جروم ازوال=وتاليها (صباح الخير ) ياربعي بلا منـه




ولي رجعه يوم غد بأذن الله الوقت داهنا يا عزيزي

والفجر قرب

ونريد أداء واجبات علينا ادائها

انتظرني يوم غد وتصبح على خير

ولاهان الاخوان الذين تواصلوا معنا

ومثل ماقلت لك اعرف مطلق وهذال وستجد بأني جاوبتك على اسئلتك التي تنتظر الاجابه الأخيره

وانا لا الومك انك تلعب للمكشوف كونك ماتعرفني

ولاكن راجع البيوت وستجد الكثير منها مدفون

وتشرفت باللعب معــك اخي الكريــم

واعذرني وسامحني على الاطاله

والى اللقاء الى يوم غد بأذن الله

[أبو ساري]

يعطيكم العافية

سرى الليل

نبي الشعر الذرب

ودمتم سالمين

[العاكور]

محاورة جميلة جدا وصح لسانك يا رداد ويا موالف القاف


موالف القاف يبدو اني تعرفت عليك فعلا فانا من المعجبين القدماء لشعرك و الابيات هذة ما يقولها الا شخص واحد الله يذكره بالخير ههههههههههه

سعداء بوجودك والف شكر لشاعرنا الكبير الذي قبل دعوتي لمقابلة شاعر كبير اخر على مستوى راقي.

ملاحظة الشاعر موالف القاف رد علي في احدى قصائدة بأني من المعجبين القدماء بشعرة ولذلك يبدو اني عرفته وان شاء الله يكون هو ويمتعنا بشعرة سواء النظم او المحاورة ويرجع ذكراياتنا الجميلة.

[(( معصار المختبيه ))]

موالف القاف
رداد الهذلي
نشكركم على امتاعنا بهذه المحاوره الجميله وياليت ماتبخلون علينا في الايام القادمة
تتقبلووو تحياااااتي

[رداد الهذلي]

الأخ موالف القاف البقمي .... تفضل إليك الرد


ألا يا حسرتي ضيعت شعري في جدل وسجال=مع اللي ما فهم شعري من الحيرة قرع سنه
حلفت اني ماعاد اخسر بيوتي مع الجهال=ونا ربعي هذيل اللي فعايلهم لها رنة

اخي موالف القاف :
أعيد وأكرر بأنك لم تجب عما أريد ,,,
وليتك تعرض هذه المحاورة على من هو أعلم منك لتجد الإجابة الشافية.
وأهمس في أذنك همسة وأقول بأن الشاعر المتمرس لا يشرح بيوته للناس , فالمتذوقون والنقاد للشعر هم الذين يبينون
ما في القصيدة من تشبيها واستعارات مكنية وتشبيهات ضمنية واستفهامات استنكارية وتوضيف الرمز الشعري في الأبيات كل هذه مهمة النقاد .
لذلك كان أبو الطيب المتنبي لا يشرح أبياته للناس , وإذا سئل عن معنى بيت يقول : اسألوا ابن جني , وفي هذا المعنى يقول :
أنام ملء عيوني عن شواردها ..... ويسهر القوم جراها ويختصمُ
فهذه ملاحظة أردت أن أوصلها إليك....
فاترك الحكم للقراء ....
وأما ما سألتك عنه فتجد الإجابة الشافية في كتب التفسير , وكتب السير , وكتب اللغة و الأدب , والعروض , والشعر الجاهلي , وتاريخ قبائل العرب في الجاهلية والإسلام ,,,,, راجعها للفائدة ...

وتحياتي لك ... وأتمنى أن يتسع صدرك لما أقول .
وكما قيل اختلاف الرأي لا يفسد للود قضية ,
وكذلك أشكر الإخوة الذين تابعوا المحاورة .
( سبحانك اللهم وبحمدك , أشهد ألا إله إلا أنت أستغفرك وأتوب إليك)

[موالف القاف]

علامك ماتقد الدرب نوب يمين نوب شمال=انا ادرسك بالاظهـار ولادغـام والغنـه
انا ماغير اجرب ركضت عبيان بالسروال=وانا ماقول هـذا هـو ولاكنـه ولاكنـه

ولاهنت واتوقع وانا اخوك انك انت اللي هاجم

وفهمك خطاء واترك الحكم للأخوان

وخصوصاً البيتين الأخيره لي

وانا اخوك انا ماجيت هنا شتام ولا سباب


اتمنى لك التوفيق والنجاح

[موالف القاف]

ولاهنتم اخواني على تشجيعكم ومسككم للصفوف

[رداد الهذلي]

ترفع في كلامك يللي منطوقك بها المنوال=وما ظنيت منزال الثريا كالثرى ها الأمر ما ظنه
أنا بنشدك هل تقدر تغطي الشمس بالغربال ؟؟=صقور هذيل ما تهتم بللي صوته الطنة

[موالف القاف]

أنا بنشدك هل تقدر تغطي الشمس بالغربـال ؟؟
صقور هذيل مـا تهتـم بللـي صوتـه الطنـة

شمس هذيل شارقه بدون اشاده مني ولا منك

وهذيل صقور والنعم فيهم



واخي اتجنب الرد عليك حيث انني اتجنب

خوض المحاورات التي اسميها الحرب البارده بين القبائل

وأخيراً اشكرك على طيب محاورتك معي

وسامحنا ان غلطت مع انك فهمت معناي غلط

ولا احب ان اكشف اوراقي

فالمعنى لا يعرفه الا اثنين

معصار مختبيه والعاكور

اتوقع ذالك

ولا يهون بقية شعراءنا هنا


ووفقك الله وسدد خطاك

[شامان]

الاخوين موالف القاف ورداد الهذلي صح وجيهكم والسنتكم وكلكم العين وحاجبها

[العاكور]

ما عليك زود يا شاعرنا الغالي موالف القاف

وانا معجب بردودكما ولو انه حدث اختلاف في فهم معنى كل منكما ولكني انا فاهم جيدا معنى الطرفين وحصل خير.

شاعرنا رداد الهذلي ان الاخ موالف القاف اعرفه جيدا وبعيد ك البعد عن ما رميت اليه ولكن كل شاعر له الحق في الدفاع والهجوم الاخوي والذي تجسد في سعة صدركما .

انا اكون صريح تلقيت رسالة واتصال من الطرفين يعتذران ويوضحان مقاصدهما وانا اعتذر لهما عن ما حصل من سوء تفاهم ويا مرحبا بالشاعرين تراحيب المطر.

اخوكم ابو خالد

[موالف القاف]

ابو خالد

انا ولله الحمد لو اردت كشف هويتي لا عارفني الجميع وعرف هدفي

ابرك الساعات اللي اجمعتني فيكم يالغالين

اخوي شامان

ابرك الساعات وان شاء الله اشوفك في صفي

في المحاورات القادمه

[أبو ساري]

يعطيكم العافية

وكل واحد يصلح سيارته ما حصل إلا خير

ههههههههههههههه

ودمتم سالمين

[رداد الهذلي]

الأخ موالف القاف :

ما عليك زود , وحياك الله

وكلنا لا نحب العصبيات القبلية والخوض في القبائل ,

وإذا كنت تعتقد أنني فهمت معناك خطأ , فأنا أعتقد أنك فهمت معناي خطأ

ولكن كما قيل يجور للشاعر مالا يجوز لغيره .

والشعر وسيلة للتقارب وليس وسيلة للتنافر .

ولا يكون خاطرك إلا طيب

وتمنياتي لك بالتوفيق
ولك تحياتي القلبية

وأشكر كذلك جميع الإخوة الذين شاركونا في هذه المحاورة بتعليقاتهم المميزة ,,,,,

[حمود الجنيبي]

تسلم يارداد وان دل دل على نبل اخلاقك