ابو منصور الله لا يهينك ,,,,,

[عاشق شعر]

ياسلامي عليكم كلكم = مايفك الحديد الى الحديد
يابن منصور ويش علومكم = عقب فصلتلك ثوب(ن) جديد

[حمود الجنيبي]

الله الله
انا بصف ابو منصور
الليل الليل

[ابو منصور]

مرحبا عندنا الي يسركم=من هل الشار والراي السديد
مالبسناه لجل عيونكم=لابسه للمعادي والعنيد

[ابو منصور]

اخي حمود شكرا لك لاكن لا تغششه

[عاشق شعر]

عندنا عالين مقداركم = لا تهده ترى بيتك جويد
ياعرب لا تبيح سدودكم = مانشدتك عن العلم البعيد

[ابو منصور]

ياحمران اعرف اخباركم=عقب سويت عمده في القصيد
نارنا ياولد من ناركم=وانتبه لا تجيك ام العبيد

[عاشق شعر]

يمنا لا تشين اخلاقكم = وانت رجلن من النوع الفريد
مشها لا تقنبع حولكم = وانتبه يومكم يوم(ن) نكيد

[ابو منصور]

لانويتك بطير نومكم=خل عنك التهدد والهبيد
يالكتاكيت ويش اسلومكم=لجل نلفي عليكم بالمفيد

[عاشق شعر]

لا بغيتك خلعت ضروسكم = منت همي هذا علم(ن) وكيد
ليش ترفع علي سيوفكم = يابن منصور سيفك من جريد

[ابو منصور]

لو ذبحتك وجبت اهدومكم=قالو الربع جعلك ماتفيد
بس بحمس بصلك وثومكم=لين ريحتك تطلع يالبيد

[العاكور]

ملعبة بدأت بين شاعرين كبيرين في المنتدى

نتمنى مواصلتها لما لوحظ عليها من اثارة وردود هجومية من كلا الطرفين اعتمد الشاعرين فيها على كشف التسلل والهجمات المرتده ههههههههههههههههههه

هذا التعليق من حمى كأس العالم هههههههههههه

[الضاوي]

مشاء الله
محاورة مميزة
بين كبار الشعار
نحن متابعين لكم
سجلوا حظوري
تحياتي

[ابو منصور]

العاكور = الضاوي
شكرا لمروركم وكذلك نشكر شاعرنا الكبير عاشق شعر الذي يبدوا انه زعل علينا ولا قفل المحاوره
ونعتذر اذا حصل منا غلط ولا زلل والدعوى مزوح تجي وتروح

[عاشق شعر]

العاكور = الضاوي
شكرا لمروركم وكذلك نشكر شاعرنا الكبير عاشق شعر الذي يبدوا انه زعل علينا ولا قفل المحاوره
ونعتذر اذا حصل منا غلط ولا زلل والدعوى مزوح تجي وتروح
مادامك انت ختمتها يابن منصور انشالله نلتقي في محاورات قادمه .
تقبل احترامي وتقديري .

[دايـــ العـز ـــم]

موفق يابومنصورر

وموفق ياعاشق شعر

بارك الله فيكم ولكم

والله يعطيكم العافية