ياعيد الأضحى ( مُنسقة)

[رفيق القلم]

( بسم الله الرحمن الرحيم)
مع كل الشكر والتقدير لمشرفناالغالي ( المتوكل) هذه القصيدة بالتنسيق.


1) ياعيد الأضحى جيتنا بالبعيدين=وعن فرحتك ياعيد نفسي صفقها

2) وعن الصلاة أخلف قلوب المصلين=والشيخ لوشاف الملامح عشقها

3) في صدره الأبيض من البيض ثنتين= يجوزمن بيض الحباري سرقها!

4) وله فرقةً ياعيد فوق الحجاجين=مثل الثريا فوق وجهه فرقها

5) في خدته من زاهرالنقش لونين=مثل الندى في خدته مع عرقها

6) ولولاسواد الرمش والخال والعين=لأقول من بيض الكواكب خلقها

7) غاذينه المُرَّ ة هل الرُبع ويبرين=على حليب البل وأرانب سلقها

8) وغاذينه المُرَّ ة على الريم ياسين=يأكل لحمهاويترشف مرقها

9) وحامينه المُرَّة عساهم قويين=بمسلباتٍ مايكذب فشقها

10) وينعم من النعمة مثل شجرة التين=والطير مايقدريدنس ورقها

11) ليته يباع ونشتري بالملايين=وانخى القبيلة لين يظهر حمقها

12) يجيني أولهم قروف ورحامين=يَحدون صهبٍ زملها في شنقها

13) واليوم الأخر ياصلون العناوين=مع الشعق والشمس بادٍ شعقها

14) جتني طلايعهم جموس وبعارين=وهناك شوانٍ تبايع فرقها
** كتبهافي عام1388هـ-1968م، حينماكان يعمل في الخفجي- شمال شرق السعودية على الخليج العربي بالقرب من دولة الكويت الشقيقة والحبيبة.

[أبو ساري]

يعطيك العافية رفيق القلم

ودمتم سالمين

[~^الــطــيـــــر^~]

صح لسان أبو ذياب الله يعطيه العافيه ....................وتسلم يمينك على النقل

[الـمـزوحي]

رفيق القلم

صح السانك وتلسم يمينك .. ويعطيك العافية .. وانتظر منك كل جديد

ثانكيو تمورو نلتقي

[فتى الحلاه]

رفيق القلم


صح لسان أبو ذياب وتسلم يمينك على التنسيق والنقل.